“Зүүнбаян төмөр зам” ХХК-ийн ажилтнууд өнөөдөр вакцины гуравдугаар тунд хамрагдлаа. Ингэхдээ тэд иргэний хариуцлагаа биелүүлж, халдварын тархалт, нийтийн дархлаа зэргийг харгалзаж, өөрсдийнхөө хүсэлтээр ийнхүү нэмэлт дархлаажуулалтад хамрагдаж, төмөр замын салбар дотроо бүрэн тунд хамрагдсан анхдагч байгууллагуудын нэг боллоо.
ДЭМБ-ын хийсэн судалгаагаар вакцин нь халдвараас 90-95 хувь хамгаалдаг болох нь батлагдсан ч иргэн бүр халдвар хамгааллын дэглэмийг сахихгүй бол хэн ч халдвараар өвчилж болно. Иймд вакцин хийлгэсний дараа тарьсан хэсгийг хөндөхгүй, хоёр хоног ус хүргэхгүй, дулаан хувцаслах, даарахгүй байх, согтууруулах ундаа хэрэглэхгүй, гараа ариутган, амны хаалт зүүж, хэрэв халуурах, ханиах шинж тэмдэг илэрвэл 119 дугаарт залгаж зөвлөгөө авахыг эмч зөвлөв.
Сэтгэгдэл бичих