Токио 2020 паралимпын наадам үргэлжилж байна. Есдүгээр сарын 5 хүртэл үргэлжлэх энэхүү наадамд 160 гаруй улсын 4400 орчим тамирчин 22 спортын төрөлд 540 багц медалийн төлөө өрсөлдөж байгаа юм.
160 улсын баг тамирчдаас арав дахь өдрийн байдлаар 82 улс медаль хүртээд байна.
Тухайлбал, БНХАУ-ын баг тамирчид 68 алт, 43 мөнгө, 36 хүрэл, нийтдээ 147 медальтай тэргүүлж явна. Оросын паралимпын хороо /RPC/ 32 алт, 20 мөнгө, 37 хүрэл, нийт 89 медальтай хоёрдугаар байрт жагсаж байгаа бол Их Британи 30 алт, 24 мөнгө, 32 хүрэл, нийт 86 медаль хүртсэн амжилтаар гуравт бичигдэж байна.
Монгол Улсын баг тамирчдын хувьд, пауэрлифтингийн спортоор Э.Содномпилжээ /107 кг/ алтан медаль хүртсэн амжилтаар 53 дугаар байрт бичигдээд байгаа юм.
Сэтгэгдэл бичих