Шинэ сайд ховор ан амьтаны зөвшөөрлийг шилэн болгоно гэснийхээ төлөө ширүүн дайралтад өртөв. Байгаль орчин, аялал жуулчлалын яам, шинэ тутам томилогдсон сайд Н.Уртнасан ан, амьтныг агнах тусгай зөвшөөрлийг шилэн болгохоо илэрхийлж, өмнө нь явж ирсэн буруу жишгийг таслан зогсоогоод байна. Тухайлбал дээрх шийдвэртэй холбоотойгоор Байгаль орчин, аялал жуулчлалын сайд Н.Уртнасан ховор ан, амьтныг агнахаар Монголын байгаль орчны иргэний зөвлөл хэмээх ТББ-аас ирүүлсэн зөвшөөрөл хүссэн хүсэлтийг олгохоос татгалзжээ. Гэтэл тус ТББ-ын төлөөлөл хэвлэлийн хурал зарлаж хамгаалах бус агнах зөвшөөрлийг гацаалаа хэмээн уур хилэнгээ бадруулж, Н.Уртнасан сайд руу дайралт хийх болов.
Учир нь ховор ан, амьтныг ангах зөвшөөрөл авах замаар АНУ-ын иргэдэд монголын баялаг болсон ан амьтдыг агнуулж, олон жилийн турш ашиг хүртэж ирсэн үйл ажиллагаа тасалдсан тул ийнхүү амь зуулгаа авч үлдэхийн тулд арга бүхнийг сүвэгчилж байгаа бололтой. Н.Уртнасан сайдын тухайд 2013 оны Засгийн газрын 93-р тогтоолоор батлагдсан ховор амьтан, агнах барих тусгай зөвшөөрөл олгох журмын хүрээнд холбогдох байгууллагын шалгуур үзүүлэлт, нөхцөл шаардлагыг ил тод болго, Тусгай зөвшөөрлийг цахим хэлбэрт шилжүүлэх, Орон нутагт төвлөрч байгаа орлого, түүний зарцуулалт БНАТ-ын хуульд нийцэж байгаа эсэхэд хяналт тавьж, мэдээллийг ил тод болгохоор болсон байна. Мөн 2011 оны экологи эдийн засгийн үнэлгээг шинэчлэн тогтоож, ховор амьтан хамгааллын зардлын төсвийг нэмэгдүүлэхээр болжээ.
Сэтгэгдэл бичих