Улаанбаатарт байгаа миний аав киноны гол дүрийн жүжигчин С.Ямаахүү таалал төгсжээ.
Энэ тухай түүний зээ охин Цацрал, “Миний өвөө юу. Мэдэх нэг нь мэднэ дээ. Энэ насаа Монгол Кино үйлдвэрт зориулж насаараа кино урлагт өөрийн авьяас, мэдлэг, чадвар, зүрх сэтгэлээ зориулсан Сийзийн Ямаахүү гэж хүн байлаа. Олон ч кинонд гар бие оролцож аа бас заримд нь дүр бүтээж амжсанаас хүмүүсийн хамгийн их таньдаг нь Улаанбаатарт байгаа миний аав Киноны бяцхан хүү Гочоо байсан. Кино зураг авалтанд явахдаа бяцхан зээгээ дагуулаад явдаг байсан нь Би.
Яг ингээд том хүн болоод ирэхээр зарим нэг дурсамжаа мартсан ч миний мартдаггүй бас бардам хэлдэг нэг зүйл бол өвөө миний хамгаалагч байж. Сайн ч бай муу ч бай хэнээр ч надад үг хэлүүлдэггүй хөндлөн тас өмөөрдөг ганц асаалттай танк минь байж. Одоо дахиж өвөөгөөс минь дуудлага ирэхгүй. За, сайн байна уу та Сайн сууж байна уу гээд үг хаяж дахиж залгахгүй. Тайван нойрс доо миний хөөрхөн өвөө. Хайртай шүү тандаа. Сахалтай Өвөө” хэмээжээ.
Түүний гол дүр бүтээсэн алдарт “Улаанбаатарт байгаа миний аав” киноны 60 жилийн ой өнгөрөгч 2020 онд тохиосон билээ. С.Ямаахүү нь аравдугаар ангиа төгсөөд, Цэргийн ерөнхий сургуульд суралцаж төгсөөд шууд Монгол кино үйлдвэрт үсэг өрөгчөөр ажилд орж, ажил амьдралын гараагаа эхлүүлж байжээ.
“Гэрлэж амжаагүй явна”, “Хань”, “Моторын дуу” зэрэг кинонуудад туслах дүр бүтээхээс гадна “Серёж хүү” гэх орчуулгын кинонд дуу оруулж байв. Тэрбээр, эцэг эхээс хоёулаа бөгөөд түүний ганц эгч нь “Үер” киноны Моломын эхнэрийн дүрийг бүтээж байв.
Түүний төрөл төрөгсөд, үр хүүхдэд гүн эмгэнэл илэрхийлье.
Сэтгэгдэл бичих