Зүрхний гажгийн мэс заслыг олноор нь хийх боломжгүйн улмаас өвчиндөө шаналж буй олон бяцхан үрс удаан хугацаагаар хүлээх шаардлагатай болдог. Харин УБ Сонгдо эмнэлгийн захирал, зүрхний мэс засалч Б.Болдсайхан эмчийн санаачилсан ‘Зүрх мартахгүй’ төслөөр олон хүүхдийг эх орондоо үнэгүй эмчилж эдгээгээд байгаа бөгөөд 2027 он хүртэл нийт 1000 хүүхдийг эмчлэх зорилго тавин ажиллаж байгаа билээ.
Зүрхний төрөлхийн гажгаас болж мэс засалд зайлшгүй орох шаардлагатай хүүхдүүдэд тусалдаг ‘Зүрх мартахгүй’ төсөлд Үндэсний бүтээн байгуулагч Эко Констракшн ХХК-аас 50 сая төгрөг хандивлалаа.
Бяцхан үрсэд амьдрал бэлэглэх ‘Зүрх мартахгүй’ төсөл нь олон албан байгууллага, хувь хүмүүсийн дэмжлэгээр бодит болж хэрэгждэг бөгөөд Эко Констракшн ХХК-аас төслийг дэмжиж 50 сая төгрөгийг ийнхүү хандивлалаа.
Сэтгэгдэл бичих