УИХ дахь АН-ын бүлгээс М.Энхболд даргыг огцрохыг шаардсан мэдэгдэл хийгээд байгаа. Энэ талаар УИХ-ын гишүүн З.Нарантуяагийн байр суурийг сонирхсон юм.
Тэрбээр “МАН дотор үүссэн хагарал тэмцэл зөвхөн нэг нам доторх тэмцэл гэж харагдахаа больсон. Энэ бол Үндсэн хуульд заасан Монгол Улсын засаглалын дээд байгууллагууд харилцахаа болих байдалд хүргэлээ. Энэ нь үндэсний аюулгүй байдлын хэмжээнд хүргэсэн засаглалын хагарал юм. Энэ зүйлийг өргөдлөө өгөхөд надад хуулийн үндэслэл алга гээд байгаад байвал цаашдаа төрийн ажил чинь жинхэнэ утгаараа хямралд орох болно. Тиймээс УИХ-ын дарга ёс зүйн хувьд монгол төрийг хүндэтгэж сайн дураараа өргөдлөө өгөх нь зүйтэй гэж үзэж байна. Хэрэв ингэж чадахгүй бол цаашдаа Ерөнхийлөгчийн зүгээс УИХ тарах асуудлаа авч хэлэлц гэж байгаа. АН-ын бүлгээс энэ саналыг дэмжих болно. Арай ч ийм хэмжээнд хүргэхгүйгээр асуудал шийдэгдэх байх гэж найдаж байна. Ямар нэгэн зүйлд хэмжээ, хязгаар гэж бий. Төрийн гацаад бүтэн нэг сар болж байна. Энэ хугацаанд маш их зүйлийг УИХ хэлэлцэх байсан. Бид төртэй, засагтай, хуультай улс” гэсэн юм.
Сэтгэгдэл бичих