“Эрхэт Монгол” групп Хүндийг өргөлтийн тамирчин М.Анхцэцэгт гурван өрөө байр, сар бүр нэг сая төгрөгийн цалинг дөрвөн жилийн хугацаатай олгохоор боллоо. Үүнээс гадна тэмцээн уралдааны бүх зардлыг энэ хугацаанд хариуцахаар болсон юм.
Уг шагналыг “Эрхэт монгол” группийн ТУЗ-ын дарга Х.Мандахбаяр гардууллаа. Тэрбээр,
“Өнөөдөр хүндийг өргөлтийн тамирчин М.Анхцэцэгт хүндэтгэл үзүүлэх ёслол болж байна. “Эрхэт монгол” группийн олимпын наадмын мөнгөн ивээн тэтгэгчээр ажилласан. Манай хамт олон олимпын наадмын хаалтын үеэр ярилцаж байсан.
Тамирчинд байр хандивлах аян өрнүүлэхэд татгалзлаа, та бүхний сэтгэлд баярлалаа гэж хэлж байсан. Тиймээс түүний энэ зүтгэлд зориулж өнөөдрийн хүндэтгэлийн ёслолыг зохиож байна. Энэ ёслолын үеэр М.Анхцэцэгт “Grand Marshal Luxury Villas” хотхонд гурван өрөө байр бэлэглэж байгааг дуулгая” гэлээ.
Сэтгэгдэл бичих