Энэ сарын эхээр шатахууны үнэ литр тутамд 300 төгрөгөөр өсөж, АИ-92 авто бензин 1740-1750 төгрөгийн үнэтэй болсон. Ирэх сараас ОХУ импортын шатахуундаа хязгаар тогтоохоор болсонтой холбогдуулан дахин нэмэгдэх гэж буй.
Үүнээс гадна Засгийн газраас шатахууны үнийг сонгуулиас өмнөх үеүдэд хүчээр барьж байсан бөгөөд уг хугацаанд шатахуун импортлогч ААН-үүд ихээхэн алдагдалтай ажилласан юм. Иймд шатахуун импортлогч ААН-үүд үнээ дахин үнээ нэмж алдагдлаа нөхөх шаардлага гарсан учраас хүсэлт гаргасан байна.
Энэ талаар АМГТГ-аас хэвлэлд мэдээлэхдээ,
“Нэг баррель тосны үнэ 40 ам.доллар, хилийн үнэ 400 ам.доллар байхад нэг литр шатахууныг 1450 төгрөгөөр худалдах боломжтой. Харин энэ оны нэгдүгээр сараас нэг баррель нь 50 ам.доллар, хилийн үнэ 470 ам.доллар болж өслөө. Одоогоор ААН-үүд 30 гаруй тэрбум төгрөгийн алдагдал хүлээгээд байна. Гэвч нийгмийн хариуцлагаа хүлээгээд үнээ нэмэхийг хойшлуулна уу гэсээр энэ сарын эхэнд литр тутамд 300 төгрөгөөр нэмсэн. ААН-үүд өнгөрсөн нэгдүгээр сараас хойш бидэнд үнэ нэмэх хүсэлтээ өгсөөр байгаа. Одоогоор хэд орчим төгрөгөөр нэмэгдэх нь тодорхойгүй байна” гэсэн юм.
Сэтгэгдэл бичих