ХУД-ээс сонгогдсон НИТХ-ын төлөөлөгч Б.Мягмар төлөөлөгчийнхөө хувиар “Дэзэрэт” ОУ-ын энэрэлийн байгууллагатай хамтран ХУД-ийн ЭМБ-уудад 19,6 сая төгрөгийн дэмжлэг үзүүллээ.
Тухайлбал Туул тосгоны Эрүүл мэндийн төвд өнөөдөр 50 ш хөнжил, гудас, ор хөнжлийн даавуу, 300 хайрцаг арбидол эм, автомат автомакс ариутгалын шүршигч аппарат, нэг удаагийн халат 700 ш, комбинзон 200 ш, N95 амны хаалт 250 ш зэргийг хүлээлгэн өглөө. Туул тосгоны эрүүл мэндийн төв улаан бүс татаж, коронавирусийн халдвартай 96 хүн өнөөдрийн байдлаар хэвтэн эмчлүүлж байна.
Туул тосгоны эрүүл мэндийн төвийн ковидын 100 ортой эмнэлэгт Хан-Уул дүүргийн эрүүл мэндийн төвийн эмч ажилтнууд тусгаарлагдан ажиллаж байна.
Сэтгэгдэл бичих