Зохиолч Х.Дуламсүрэн нэн шаардлагатай амьсгалын аппарат ЭХЭМҮТ-д хандивлана

Шинэ төрлийн kopoнaвиpycийн халдвараас үүдэн манай улсад халдварын тоо ихсэхийн хэрээр нас баралтын тоо улам нэмэгдэж эрүүл мэндийн салбарт амьсгал дэмжих аппаратын хүрэлцээ муу байгаагаас үүдэн цаг минут бүрээр эрдэнэт хүмүүний алтан амь үрэгдэж байна. Энэ хэцүү цаг үед нэн шаардлагатай зүйлийн нэг нь АМЬСГАЛ ДЭМЖИХ АМЬСГАЛЫН АППАРАТ болоод байна.

Тэгвэл Зохиолч Хишигнямын Дуламсүрэн нь ‘Нэг аппарат-Нэлээд хэдэн амь’ аяныг 2021 оны 7-р сарын 1-ны өдрөөс эхлэн амжилттай зохион байгуулж өндөрлөлөө. Тухайн аяны тоног төхөөрөмж нийлүүлэгчээр ‘Ай Мед Технологжис’ ХХК хамтран ажилласан байна.

Түүний олон мянган уншигч, фенүүд сайхан сэтгэлийн гараа сунган ‘Нэг аппарат-Нэлээд хэдэн амь’ сайн үйлсийн аянд нэгдэж kopoнaвиpycаар өвчилж зовж шаналсан олон хүнд амьсгал бэлэглэхээр ийнхүү хүчээ нэгтгэсэн байна.

Тухайн аяны үр дүнд дараах тоног төхөөрөмжүүдийг хандивлахаар болжээ. Үүнд:

• АМЬСГАЛ ДЭМЖИХ АППАРАТ / 1 ширхэг /- Уг аппарат нь kopoнaвиpycийн хүндрэлтэй амьсгалын дутагдалд орсон хүмүүст ашиглагдах NF5 нэртэй аппарат юм. Тус аппаратыг Эх Хүүхдийн Эрүүл Мэндийн Үндэсний төвд бэлэглэх бөгөөд kopoнaвиpycийн улмаас өвдөж эмчлүүлж буй жирэмсэн эхчүүд эмэгтэйчүүд, бяцхан үрсүүд ашиглах юм.

• ХҮЧИЛТӨРӨГЧИЙН АППАРАТ / 3 ширхэг /- Эмнэлгийн бүх тасагт эсвэл түргэний тэрэгт хэрэглэж болох хүчилтөрөгчийн аппаратыг kopoнaвиpyc ихээр гарч буй орон нутагт тус тус бэлэглэхээр болсон байна.

Дашрамд дуулгахад Зохиолч Х.Дуламсүрэн нь ‘Нэг аппарат-Нэлээд хэдэн амь’ сайн үйлсийн аянд сэтгэлийн хандиваа өргөсөн хүн бүрт өөрийн бичиж туйрвасан “ХҮСЭЛ ХЯСЛЫН ЗААГТ” романыг бүрэн эхээр нь үнэ төлбөргүй унших эрхийг бэлэглээд байгаа юм.

Сэтгүүлчийн тэмдэглэл: Vxэл амьдралын заагт өвчтэйгөө шаналаж, тэмцэлдэж буй олон хүмүүст амьдрал бэлэглэхийг зорьсон ‘Нэг аппарат-Нэлээд хэдэн амь’ сайн үйлсийн аяныг зохион байгуулсан нэрт зохиолч Х.Дуламсүрэн танд болон сайхан сэтгэлийн аянд нэгдсэн нийт халуун сэтгэлт уншигч ард түмэн та бүгдэд баярлаж талархаж байгаагаа илэрхийлье. Сайн үйлс бүхэн дэлгэрэх болтугай! Монгол Хүн бүр эрүүл байг!