“Зүүнбаян төмөр зам” ХХК-ийн төмөр замчдын төлөөлөл өнөөдөр “Улаанбаатар төмөр зам” ХНН-ийн зам засварын машинт станцын “Толгойтоос Амгалан” хооронд хийгдэж байгаа 17,6 км төмөр замын их засварын ажилтай танилцаж, туршлага судаллаа.
Өнөөдрийн байдлаар Улаанбаатар хотын төв зам дагуу хийгдэх төмөр замын засварын ажил 80 хувьд хүрч, нийт 14 км төмөр замын их засвар бүрэн хийгдээд байна.
Төмөр замчид засварын ажилдаа орчин үеийн техник хэрэгсэл ашиглаж байгаагийн нэг нь ОХУ-д үйлдвэрлэсэн УК кран, ВПРАС юм. Энэ машиныг ОХУ-аас оруулж ирээд хоёр жил болж байгаа юм байна.
Бүх зүйл нь компьютер, механикжсан, чигждэг, чийг татдаг гэдгээрээ давуу талтай техникт тооцогддог.
“УБТЗ” ХНН-ийн машинт станцын зам засварын ажил цаашид Багахангайгаас Лүн хооронд хийгдэж, энэ жил нийт 80 орчим км төмөр замын их засварын ажил хийхээр төлөвлөжээ.
Сэтгэгдэл бичих