ЖИРЭМСЭН ЭХЧҮҮД ГЭР БҮЛИЙН ГИШҮҮДЭЭС ХАЛДВАР АВАХ ЭРСДЭЛ ӨНДӨР БАЙНА
Эрүүл мэндийн яам өнөөдрийн мэдээллийнхээ эхэнд жирэмсэн эмэгтэйчүүд халдвараас сэргийлж, гэр бүл, хамт олон дунд халдвар хамгааллын дэглэм баримтлах зайлшгүй шаардлагатайг онцоллоо.
АШУҮИС-ийн багш н.МӨНХЦЭЦЭГ:
-Сүүлийн үед жирэмсэн эхчүүд Covid-19 цар тахалд өртөх, гэр бүлийн хүрээнд халдвар авах эрсдэл өндөр байгаа аж.
Дэлхийн хэмжээнд цар тахлын халдварын тархалт буурахгүй байна. Тиймээс аль болох олон нийтийн газраар явахгүй байхыг анхааруулав. Covid-19-ийн нэн хүнд хэлбэрт 35-аас дээш насны жирэмсэн эмэгтэйчүүд өртөж, хүндрэх эрсдэлтэй. Мөн цар тахлын үеийн мэдээ мэдээллийг цаг тухайд нь авч, мэдлэг мэдээлэлтэй байх ёстойг хэллээ.
Эхээс урагт халдвар дамжих эрсдэл өнөөдрийн байдлаар 12.5 хувьтай байгаа аж. Энэ өвчний хүндрэлээс болж эх дутуу төрөх, хүүхэд амьдрах чадваргүй, улмаар хөгжлийн хомсдолтой болох зэрэг аюул дагуулж байна. Үүнээс гадна цус алдах зэрэг эрсдэл дагуулж байгааг хэллээ.
ЭМЯ-ны хэвлэлийн төлөөлөгч Б.УУГАНБАЯР:
Сүүлийн 24 цагт хийсэн шинжилгээгээр 1811 хүнээс Covid-19 илэрч, нийт тохиолдол 111505 тохиолдол боллоо. Өчигдөр нийт 15 хүн нас баржээ.
Сэтгэгдэл бичих