Төрийн ордонд яг одоо УИХ-ын гишүүн Н.Номтойбаяр, Д.Хаянхярваа, Ж.Мөнхбат, Ж.Бат-Эрдэнэ, Л.Энх-Амгалан, Н.Амарзаяа, А.Ундраа, М.Билэгт нар мэдээлэл хийж байна. Тэд мэдээллийнхээ эхэнд УИХ-ын 20 гаруй гишүүн бүрэн эрхээсээ татгалзаж, хуулийн байгууллагад гэм буруутай эсэхээ шалгуулахад бэлэн гэдгээ мэдэгдлээ. Тухайлбал, УИХ-ын гишүүн Ж.Бат-Эрдэнэ “Сүүлийн үед ЖДҮ-тэй холбоотой асуудал нийгмийг бухимдуулсан үйл явдал болоод байна. Гэтэл энэхүү зээлийг эрх мэдэл бүхий хүмүүс авчихсан нь ёс зүйгүй үйлдэл юм. Гэвч ЖДҮ-гээс зээл авсан хэрэг бүдгэрэх тал руугаа орж байна. Тиймээс УИХ-ын нэр бүхий 20-иод гишүүн гарын үсэг зурж, бүрэн эрхээсээ татгалзаж шалгуулахад бэлэн гэдгээ мэдэгдэж байна. Бусад гишүүдээ ч уриалж байна” гэв.
Хэвлэлийн бага хурал Төрийн ордны “В” танхимд үргэлжилж байна.
Сэтгэгдэл бичих