“Ювентус” клубын довтлогч Криштиану Роналду Европын аваргуудын тэмцээний ер бусын дээд амжилтын эзэн болов.
Португалийн хөлбөмбөгчин Италийн аваргын 2020/21 оны тоглолтын улиралд 38 тоглолтоор эсрэг талын хаалганд 29 бөмбөг оруулан шилдэг мэргэн буучаар шалгарлаа. Ийнхүү тэрээр Европын топ-5 лигийн тэмцээний гуравт нь буюу Англи, Испани, Италийн аваргуудын тоглолтын тэргүүн мэргэн буучийн өрсөлдөөнд ялсан цорын ганц хөлбөмбөгч болж байна.
Роналду “Манчестер Юнайтед” клубт тоглож байхдаа Английн премьер лигийн шилдэг гоол оруулагч (2008 он, 31 гол) болсон юм. Дараа нь “Реал”-ын бүрэлдэхүүнд Испанийн Ла Лигийн мэргэн буучаар 2011 онд (40 гоол), 2014 онд (31 гоол), 2015 онд (48 гоол) шалгарч байлаа. Энэ хоёр дээр одоо Италийн А ангиллын лигийн аваргын тэмцээний мэргэн бууч цол нэмэгдлээ.
Сэтгэгдэл бичих