Чөлөөт бөхийн олимпын эрхийн сүүлийн тэмцээн болох ‘Софи-2021’-ийн ОУТ-ий эхний өдөр эрэгтэйчүүдийн 57 кг-ын жинд Үндэсний шигшээ баг, ‘Хангарьд’ спорт клуб, Алтай констракшны тамирчин, гавьяат тамирчин Эрдэнэбатын Бэхбаяр аваргын төлөө шалгарч, олимпын эрхээ авлаа.
Тэрбээр хагас шигшээд Азербайжаны тамирчин Европын гурван удаагийн аварга 33 настай Георгий Эдишерашвилиг 6:2-оор ялснаар ‘Токио-2020’ олимпын наадамд хүч сорих эрхтэй боллоо.Өнөөдөр алтан медалийн төлөөх барилдаанд 2017 онд Парисын ДАШТ-ий хагас шигшээд ялагдаж байсан Японы Юки Такахашитай даагаа нэхэх юм байна.
Ийнхүү Э.Бэхбаяр олимпын эрхийн болзол хангаснаар Монгол улс 2021 оны тавдугаар сарын 7-ний өдрийн байдлаар ‘Токио-2020’ олимп, паралимпын наадамд оролцох 27 эрхтэй боллоо.
Сэтгэгдэл бичих