Kopoнaвиpycийн шинэ өсвөрийн тархалтын улмаас АНУ-д өвчний дэгдэлтийн дөрөв дэх давалгаан эхэлсэн хэмээн Миннесота мужийн их сургуулийн профессор, халдвар судлаач Майкл Остерхолм даваа гарагт мэдээлжээ.
‘Бараг шинэ цар тахалтай тулгарсан гэж би үзэж байгаа. Цорын ганц таатай мэдээ нь одоо ашиглагдаж байгаа вакцин “британийн” гэсэн тодотголтой B.1.1.7 виpycийн эсрэг сайн үр дүн өгч байгаа’ гэж халдвар судлаач Fox News телевизэд ярьжээ.
Халдварын шинэ өсвөрийн тухайд хүүхдэд аюултай, тэдний дунд их тархаж байна гэжээ.
Microsoft компанийг үндэслэгч Билл Гейтс өмнө нь ярихдаа, АНУ ба Европ халдвартай тэмцэхдээ хүндхэн алдаа гаргасан нь өвчний тархалтын өнөөгийн байдалд нөлөөлж байна гэсэн юм. Гуравдугаар сарын 25-нд Америкийн Ерөнхийлөгч Жо Байден халдвартай тэмцэх шинэ зорилт тавин өөрийн ажлаа авсны 100 хоногоор вакцинжуулалтад 200 сая америкчуудыг хамруулна гэв.
Сэтгэгдэл бичих