Нийслэлд энэ сарын 11-нээс зохион байгуулсан ‘Нэг хаалга-Нэг шинжилгээ’-ний дүнд халдварын 126 тохиолдлыг илрүүлжээ.
Өнөөдрийн байдлаар 549 хүн тусгаарлалтад байгаа бол халдварын 33 голомтыг илрүүлсэн байна.
Энэ сарын 8-10-нд нийт 808 байгууллагын 62 646 төрийн албан хаагч, ажилтныг шинжилгээнд хамруулжээ. Харин энэ сарын 11-13-нд Нэг хаалга-Нэг шинжилгээ ажлыг есөн дүүрэгт зэрэг эхлүүлж нийт 109 068 хүнийг хамруулсан байна. Үүний 67 003 нь явуулын багаар, 42 065 нь шинжилгээний суурин цэгээр хийжээ.
Ингэхдээ ‘Нэг хаалга-Нэг шинжилгээ-нд 442 мянга 303 өрхийг хамруулжээ. Үүний 287 мянга гаруй нь явуулын багаар, 155 мянга нь суурин шинжилгээний цэгээр хийжээ.
Шинжилгээ авах ажилд нийслэлийн хэмжээнд давхардсан тоогоор 7279 эмч, эмнэлгийн ажилтан, 5 849 бусад албан хаагч, нийт 13 128 албан хаагч ажилласан байна.
‘Нэг хаалга-Нэг шинжилгээ’ болон төрийн албан хаагчдын дунд хийсэн шинжилгээнд нийт 504 мянган иргэнийг хамруулжээ.
Сэтгэгдэл бичих