Цар тахалтай холбоотой хөл хорионы үеээр сошиал орчинд азтан шалгаруулах нэрээр иргэдийг луйварддаг ”Инфлюнсeр” -үүдийн бизнeс цэцэглээд байгаа билээ.
Манайд өөрсдийгөө инфлюнсер буюу бусдад нөлөөлөгч хэмээн бат итгүүлсэн, сошиал одууд цөөнгүй бий. Сүүлийн үед бусдад нөлөөлдөг олны танил хүмүүс гэхээр л сошиалоор азтан тодруулж, лайв явуулдаг, бэлэг тараадаг, хөзөр сөхүүлдэг гэх мэт моод бишгүй дэлгэрэв. Харин эл байдлыг ШӨХТГ-аас цахим орчинд дур мэдэн азтан шалгаруулвал эрүүгийн хариуцлага хүлээлгэхээр шийдвэрлэжээ.
ШӨХТГ-аас нэг хүнд 10 гаруй сая төгрөгийн үнэтэй машин өгөхийн тулд олон хүнээс 60 гаруй сая төгрөг цуглуулаад машиныг нь хонжворт өгсөн тохиолдол ч байна. Чухамдаа лайв үзэж олон мянган хүнээс такс хэлбэрээр мөнгө татаж буй хэрэг юм.
Тэгвэл “бэлэг” Одзаяагаараа алдаршсан нэвтрүүлэгч Д.Одзаяа, дуучин Ану тэргүүтэй олны танил хүмүүс болон хувиараа худалдаа эрхэлдэг лайвчидад арга хэмжээ авах цаг болсон уу гэлтэй. Олон мянган дагагчтай хуудаснаасаа байсхийгээд лайв явуулж, азтан тодруулж, бэлэг өгөх нэрээр ашиг хонжоо хайгчдийг цэгцлэх цаг ирждээ. Азтан болж бэлэнчлэх сэтгэлгээ суусан хүмүүсийг ч байранд нь тавих болсон уу гэлтэй.
Сэтгэгдэл бичих