Монгол шир ХХК-д өчигдрийн байдлаар нийт 18 тохиолдол бүртгэгдсэн нь нэг том голомт бий болсон гэж албаныхан үзэж байна. Анх энэ сарын 1-ний өдөр тус үйлдвэрийн нэг ажилтан ХӨСҮТ-д онош батлагдан иржээ.
Үүний дагуу ойрын хавьтлын тандалт хийж ажлынх нь газрын 72 хүнээс шинжилгээ авахад ийнхүү 18 тохиолдол илэрчээ.
Түүнээс гадна нийслэлийн Амгалан амаржих газарт 2 тохиолдол илэрсэн байна. Энэ нь тус газрын ажилтан аж. Тиймээс энэ хоёр голомт үргэлжлэх шинжтэй байгааг анхааруулж байна. Ингэснээр нийслэлийн хэмжээнд kopoнавирусийн идэвхжил өндөртэй 10 голомт болоод байна. Хамгийн эрсдэлтэй нь эдгээр 10 голомтын тодорхой хувь нь эх үүсвэр хаанаас xaлдвар авсан нь тодорхойгүй байгааг ЭМЯ анхааруулж байна.
Сэтгэгдэл бичих