Эхнэр нь нөхрөө санаатайгаар хороосон аймшигт хэрэг өчигдөр буюу арваннэгдүгээр сарын 15-ны өдөр гарчээ.
Хэргийн тухай тодруулбал, нийслэлийн Баянзүрх дүүргийн 20-р хорооны нутаг дэвсгэр буюу Гачуурт тосгонд оршин суух гэр бүлийн хоёр маргалдсаны улмаас эхнэр болох 30 настай У гэгч нь нөхрийнхөө хоолойг боож, амь насыг нь санаатайгаар хөнөөжээ.
Талийгаач нь 47 настай Н гэгч байсан бөгөөд тэрээр сүүлийн хугацаанд эхнэртэйгээ таарамжгүй харилцаатай байсан гэдгийг эх сурвалж хэлж байна.
Гэр бүлийн хосууд Гачуурт тосгонд айлын мал маллан амьдардаг байжээ. Хэргийг Баянзүрх дүүргийн цагдаагийн гуравдугаар хэлтэст шалгаж байгаа ба одоогоор нөхрийнхөө амь насыг хохироосон гэх У-г саатуулаад байгаа юм.
У гэгч нь мөрдөн байцаалтын шатанд нөхрөө өш хонзонгийн сэдлээр хөнөөсөн гэдгээ хүлээн зөвшөөрсөн ба дээлний бүсээр хоолойг нь боож, амь насыг нь хохироожээ. Хохирогч Н нь тухайн үед согтууруулах ундаа хэрэглэсэн байсан учраас эхнэрийнхээ өмнөөс эсэргүүцэл үзүүлж чадаагүй гэх мэдээлэл байна.
WWW.ZINDAA.MN
Сэтгэгдэл бичих