Францын зүүн хойд нутгийн Арденна мужид шувууны томууны өндөр идэвхтэй H5N8 виpycын шинэ голомт илэрсэн тухай мэдээлж байна. Ретель хотоос холгүй орших шувууны аж ахуйд шинэ голомт илрэн батлагдсан тул 10 км-ын радиуст онцгой байдал тогтоожээ. Мужийн захиргааны мэдээгээр, томууны голомтод шувууны устгал явуулах юм.
Францын ХАА-н яамнаас мэдээлэхдээ, өнгөрсөн оны арванхоёрдугаар сараас хойш тус орны нутаг дэвсгэрт шувууны томууны 400 гаруй голомт илэрсний ихэнх нь баруун өмнөд хязгаарт байгаа ажээ. Сүүлийн хоёр сарын дотор виpycийн тархалттай тэмцэхийн тулд хоёр сая гэрийн тэжээмэл шувууг устгажээ.
Европт өндөр халдвартай шувууны томууны өсвөрүүд H5N8, H5N5, H5N1 тархаж эхэлсэн бөгөөд өвчин тээвэрлэгчид нь нүүдлийн шувууд болжээ. Халдварыг Герман, Франц, Нидерланд, Их Британи, Дани, Швед, Ирланд, Хорват, Польш, Словени, Казахстан, Бельги, Норвег, Израиль зэргийн орнуудын шувууны аж ахуйгаас илрүүлээд байна.
Сэтгэгдэл бичих