Kopoнaвиpycний халдвар орон сууцны агааржуулалтын хоолойгоор дамжин, тархах эрсдэл маш өндөр байгааг судлаачид онцолж байна. Хэрвээ танайд айлын хоолны болон тамхины үнэр үнэртдэг бол агааржуулалтын хоолой чинь ажиллахгүй байна гэсэн үг. Тиймээс сууц өмчлөгчдийн холбоондоо мэдэгдэж, агааржуулалтын хоолойгоо засварлуулах шаардлагатайг сануулж байна.
Халдварын таван голомт орон сууцанд бүртгэгдээд байна
Халдварын таван голомт орон сууцанд гарсан. Нэг байрны нэг орцонд халдвар тархаж, голомт болж байгаа нь нэг талдаа орцны ариун цэвэр хангагдаагүй жишээ. Нөгөө талдаа агааржуулалтын хоолойтой холбоотой байж болзошгүй гэсэн таамгийг судлаачид дэвшүүлээд байна.
Агааржуулалтын хоолой ажиллаж байгаа эсэхэд айл бүр анхаарлаа хандуулдаггүй. Айлаас үнэр үнэртэж байгааг мэддэг хэрнээ төдийлөн ач холбогдол өгдөггүй. Харин өнөөгийн түвшинд айлын үнэр үнэртэж байна гэдэг халдвар дамжих нөхцөл бүрдсэн гэсэн үг. Өөрөөр хэлбэл агааржуулалтын хоолой ажиллахгүй, бохирдол үүсч, нян үржих тархах эрсдэл бий болсон байж болзошгүй юм байна.
Эх сурвалж: Eagle.mn
Сэтгэгдэл бичих