НЭМҮТ-ийн ОЭМА-ны дарга Д.Сувд, ХӨСҮТ-ийн Тандалт, судалгааны албаны дарга А.Амбасэлмаа, ЭМЯ-ны ахлах шинжээч Д.Нарангэрэл нар сэтгүүлчдийн асуултад хариулах үеэрээ Нэгдүгээр төрөхөд тусгаарлагдсан эх, нярайд хэрхэн анхаарал тавьж байгаа талаар мэдээлэл өглөө.
ЭМЯ-ны ахлах шинжээч Д.Нарангэрэл ‘Тухайн эмнэлэгт халдварын голомтод авах хариу арга хэмжээг авч явуулж байна. Эхчүүдэд хандаж хэлэхэд, коронавирус богино хугацаанд маш олон хүнийг халдварлуулах чадвартай ч эдгэрдэг, эмчилгээ авдаг гэдгийг хэлье. Манай улс энэ халдварт нийт өртсөн хүмүүсийнхээ 70-80 хувийг бүрэн төгс эмчилж байгаа тул сандрах хэрэггүй. Төрөх газрын үйл ажиллагаа хэвийн явагдаж байна’ гэлээ.
Харин ХӨСҮТ-ийн Тандалт, судалгааны албаны дарга А.Амбасэлмаа ‘Нэгдүгээр төрөхөд халдварт өртсөн ээжтэй нэг өрөөнд байсан хоёр ээжийг тусгаарласан. Тухайн хоёр ээжийн шинжилгээ болон тэнд байгаа бусад хавьтлуудын шинжилгээ сөрөг гарсан. Ойрын хавьтлуудыг тухайн эмнэлгийн нөөц тасагт тусгаарласан. Тэнд эмчилгээ, үйлчилгээ бүгд хэвийн явагдах ёстой’ гэв.
Сэтгэгдэл бичих