МАН-ын Удирдах зөвлөл яг одоо хуралдах гэж байна. Удирдах зөвлөлийн хурлаар огцрох хүсэлтээ гаргасан Шадар сайд Я.Содбаатар, Эрүүл мэндийн сайд Т.Мөнхсайхан нарын хүсэлтийг хэрхэн шийдвэрлэх, огцруулсан тохиолдолд яах вэ гэдгийг хэлэлцэх юм байна.
Үндсэн хуулийн нэмэлт, өөрчлөлтийн дагуу Ерөнхий сайд сайд нараа өөрөө томилж, чөлөөлөх эрх зүйн орчин бүрдсэн юм. Өмнө нь Засгийн газрын гишүүдийг томилж, чөлөөлөх асуудлыг заавал УИХ-аар хэлэлцүүлэн санал хурааж шийдвэрлэдэг байлаа. Одоо Ерөнхий сайд, сайд нараа томилж, чөлөөлж буйгаа УИХ-д танилцуулан өөрөө шийдвэр гаргадаг болсон.
Засгийн газрын тухай хуулийн 23.1.2-т заасны дагуу Ерөнхий сайд үүрэгт ажлаас нь чөлөөлж байгаа тухайгаа мэдэгдсэн захирамж гаргаснаар тухайн сайд албан ёсоор огцорно. Үүний дагуу Ерөнхий сайд бөгөөд МАН-ын дарга У.Хүрэлсүх хоёр сайдынхаа огцрох хүсэлтийг хэрхэн шийдвэрлэхээ намынхаа Удирдах зөвлөлийн гишүүдтэй зөвлөлдөх гэж байгаа аж.
Сэтгэгдэл бичих