Нэгдүгээр төрөхөд амаржсан эхээс Коронавируст халдвар илэрч, ХӨСҮТ рүү шилжүүлсэн ХӨСҮТ рүү шилжүүлэн тусгаарлахдаа амаржаад ганцхан хоносон нялх биетэй эмэгтэй нимгэн халаад, углааштай тусгаарлах арга хэмжээ авсан нь олон нийтийн шүүмжлэлийг дагуулсан.
Үйл явдалтай холбогдуулан УОК-ын дарга, Шадар сайд Я.Содбаатар уучлал хүсэж, Эрүүл мэндийн сайдад хүнлэг бус үйлдэл гаргасан холбогдох албаны хүмүүст хариуцлага тооцохыг үүрэг болгосон.
Энэ дагуу Эрүүл мэндийн сайд холбогдох эмнэлгийн удирдлагуудтай цахимаар хуралдсан. Улмаар зарим зарим эмнэлгийн удирдлагуудад сахилгын хариуцлага тооцохоор болсон байна. Тухайлбал, ХӨСҮТ-ийн захирал Д.Нямхүүд сахилгын хариуцлага тооцох асуудлыг хөндсөн гэдгийг эх сурвалж мэдээллээ. Мөн Нийслэлийн эрүүл мэндийн төвөөс ‘Өргөө’ амаржих газрын удирдлагуудад хариуцлага тооцох асуудлыг хөндөх юм.
Сэтгэгдэл бичих