2021 оны нэгдүгээр сарын 14-ний өдөр ‘Өдрийн сонин’-д Монгол Улсын Ерөнхий сайд асан Дашийн Бямбасүрэн: ОЮУ ТОЛГОЙН ГЭРЭЭ БОЛ МОНГОЛЫН ТӨРИЙН ЭРХ МЭДЭЛТНҮҮДИЙН ШУНАЛЫН БҮХ ТӨРЛИЙН НЯН ЦУГЛАРСАН БОХИРЫН САВ МӨН хэмээн ярилцлага өгсөн байна.
Тэрбээр ярилцлагадаа,
‘Сүүлийн үед ажиглаж байхад, УИХ-д олон хүн шинээр орж ирсэн. Шинэ үзэл санаа, шинэ ололт орж ирэв үү гэтэл бас биш байна. Цэвэр бизнесийн эрх ашиг, эдийн засгийн ашиг сонирхол руу улам хөтлөгдөх хандлага байгаа нь харамсалтай. Энэ бол эмгэнэл. МАН зүүний нам гэсэн нийгмийн чиг баримжаатай бодлого явуулна гэж тунхагладаг.
Гэтэл эдийн засгийн бодлого нь олигархиудын бодлого болоод хувирчихлаа. Ялангуяа татварын бодлого. МАН-ын үзэл баримтлал нь явуулж байгаа бодлогоосоо эрс зөрүүтэй болж байна. Сангийн сайд Ч.Хүрэлбаатар байгаа цагт МАН-ын эдийн засгийн бодлого огтхон ч өөрчлөгдөхгүй. Сангийн сайд Ч.Хүрэлбаатар бол Монгол Улсыг хөгжүүлэх бодлогын хүн биш. Ч.Хүрэлбаатар бол зөвхөн гадныханд л үйлчилдэг хүн.
МАН ерөнхий тогтолцооныхоо хувьд регресс буюу ухралт руу нэгэнт орчихлоо. УИХ-ын чуулганаар хэлэлцэж байгаа хуулиудыг харахад төрийн хяналтын тогтолцоо бүрэн алдагдсан байна.’ хэмээжээ.
Харин УИХ-ын гишүүн асан А.Ундраа ‘Ингэж амьд явахаар ҮХСЭН НЬ дээр’ хэмээн бичсэн нь нэгэн цагт төрийн удирдлагад төр түшилцэж явсан, шудрага үгтэй ахмад настай хүнийг үхсэн нь дээр гэж доромжлон бичсэн нь иргэдийн бухимдлыг хүргээд байна.
Монгол хүний ёсонд баймгүй энэ үйлдлийг иргэд их шүүмжлэж эхэлмэгц тэрбээр удалгүй устгасан байна.
Сэтгэгдэл бичих