Зургаадугаар сараас хойш яригдаж байсан цуурхал үнэн бололтой. Адель 37 настай Британийн рэппер Скептатай болзож байна. Дуучин бүсгүйн амьдралын огцом өөрчлөлтөд шүтэн бишрэгчид нь сэтгэл хангалуун байгаа. Адель эхлээд жингээ хасан гоолиг болсон бол одоо шинэ харилцаа тогтоож байна. Үнэндээ хосууд жил гаруйн өмнөөс үерхэж эхэлсэн ч саяхнаас л харилцаагаа ил болгосон гэж ойрын хүн нь People сэтгүүлд гарсан цуурхлыг баталжээ. ‘Бүх зүйл бүтэмжтэй байгаа. Тэд Лондонд хамтдаа зугаалж, хөгжилдөж байгаа’ хэмээн эх сурвалж ярьжээ.
Сануулахад, Адель 2019 оны 9-р сард нөхөр Саймон Кониецкигээсээ салсны дараагаас эхлээд илүү нийтэч, нээлттэй болсон юм. Шүтэн бишрэгчид нь дуучин, рэппер хоёрын Instagram-аас найз нөхөд гэхээс илүү зүйл байгааг хамгийн түрүүнд анзаарчээ.
Аделийн шинэ бичлэгийн дор Скепта ‘Эцэст нь инстаграмынхаа нууц үгийг санажээ’ гэж бичсэн нь рэппер нууц үгээ мартсан эсвэл алдсан гэдгийг мэдэж байсан гэсэн үг юм. Харин Адель хариуд нь зүрх даржээ. Ингээд л бүх зүйл тодорхой болсон юм. Нийгмийн сүлжээний эрин үед бүх нууцууд ил болно.
Сэтгэгдэл бичих