Суурьшлын бүсийн тэлэлттэй холбоотойгоор зэрлэг амьтны тархац нутаг хумигдан идэш тэжээлийн хомсдолд орж улмаар хотруу орж ирэх, зэрлэгшсэн нохойд бариулах зэргээр гэмтэж бэртэх тохиолдлууд сүүлийн жилүүдэд нэмэгдэж байгаа тул нийслэлийн Байгаль орчны газраас ‘Зэрлэг амьтан асрах байр’ байгуулан асарч тэнхрүүлэн байгальд эргүүлэн тавих ажлыг зохион байгуулж байна. Иргэдээс ирсэн дуудлагын дагуу нийт 116 зэрлэг амьтныг асран тэнхрүүлж, 71 амьтанг байгальд нь эргүүлэн тавьжээ
2019 онд дээрх төрлийн 43 дуудлага мэдээлэл хүлээн авсан бол 2020 оны 10 дугаар сарын байдлаар 104 удаагийн дуудлага мэдээлэл /хөхтний 28, шувууны 46, хэвлээр явагчийн 30/ хүлээн авснаас 16 бодгаль амьтныг асран тэнхрүүлж байгальд эргүүлэн тавьж, 71 бодгаль амьтныг шууд байгальд шилжүүлэн, 17 бодгаль амьтан эмчилгээ авч чадалгүй хорогдсон байна.
Зэрлэг амьтдыг суурьшлын бүсэд орж ирсэн үед нийслэлийн Байгаль орчны газрын 11 318003 дугаарын утас болон нийслэлийн Шуурхай удирдлагын төвийн 11 310005 утсанд мэдэгдэнэ үү.
Сэтгэгдэл бичих