Кардашьяаны гэр бүлийн тухай өгүүлдэг реалити шоу өндөрлөх гэж байгаа тухай Ким Кардашиан Уэст мэдэгдлээ. Тэрбээр “Кардашьянтай хамт” -шоутайгаа салах ёс хийх хүнд хэцүү шийдвэрийг бид гэр бүлээрээ гаргасан хэмээн твиттер хуудсандаа бичжээ.
14 жилийн турш үргэлжилж байгаа шоу хөтөлбөрөөс Ким, түүний эгч дүүс, эцэг эх, хамтрагчид, хүүхдүүд гэсэн дэлхийн мега одод төрөн гарсан. Шоуны сүүлийн буюу 21 дэх цуврал 2021 оны эхээр цацагдана.
Ким шоу хөтөлбөрт хувь нэмрээ оруулсан хүмүүст талархал илэрхийлээд “Миний карьераа тодорхойлох, амьдралаа мөнхөд өөрчлөхөд үүрэг гүйцэтгэсэн бүх хүнд үүрд өртэй байх болно” гэжээ.
Сэтгэгдэл бичих