Талх чихэр компанийн талхнууд 100-150 төгрөгөөр нэмэгджээ. Тодруулбал, иргэдийн хамгийн их худалдаж авдаг Мишээл зүссэн талх 1650 төгрөг байсан бол есдүгээр сар гарснаас хойш 1800 төгрөг болж нэмэгджээ. Мөн олон үрт, бүхэл үрийн талх зэрэг нь 100 төгрөгөөр нэмэгдсэн нь иргэдийн бухимдлыг төрүүлж байна. Гэвч Атар талхны үнэ нэмэгдээгүй 1200 төгрөг хэвээрээ байгааг хэллээ.
Харин ‘Өгөөж чихэр боов’ компани бөөний цэг дээрээ өөрийн гурилан бүтээгдэхүүнийхээ үнийг нэмээгүй бөгөөд Мишээл зүссэн талхыг 1900 төгрөгөөр худалдаалж байна.
Цаашлаад ‘Атар Өргөө’ компанийн талх хамгийн хямд буюу 1650 төгрөгөөр худалдаалагдаж байна. Харин орон сууцны дэлгүүрүүдээр явж судалгаа хийхэд талхны үнэ төрөл бүрдээ нэмэгдсэн бөгөөд ‘Мишээл’ талхыг 2000 төгрөгөөр зарж байгаа дэлгүүр ч байгаа гэнэ.
Шудрага Өрсөлдөөн Хэрэглэгчдийн төлөө газар иргэдийн төлөө юу хийж байна вэ? Ядарсан ард түмэн чинь 4000 төгрөгөөр 2 талх худалдаж авахад ч хэцүү байна гэж хэлвэл хэлстэхгүй биз ээ.
Ойрын өдрүүдэд 1072 хувьцааны ноогдол ашгийг хүртээж байгааг ч хэлэх үү хүмүүс ‘За юмны үнэ мөнгө олгож байгааг далимдуулж өсөх байх даа’ гэж мэдсэн юм шиг ярилцдаг болсон. Нийтээр ард түмэнд тараах мөнгөний сураг гарах бүрт бензин, талх, сүүний үнэ уралдаж нэмэгддэг нь уламжлал болж дээ. Үүнийгээ хэзээ зогсоож ард түмнийгээ шулахгүй байх вэ? …
