Модель Жижи Хадид болон ‘Оne direction’ хамтлагийн дуучин Зейн Малик нар анхны хүүхдээ хүлээж байгаа талаарх мэдээлэл хамгийн анх өнгөрсөн хавар олон нийтэд ил болсон билээ. Тэгвэл хэдхэн цагийн өмнө загвар өмсөгч бүсгүй бие давхар үеийнхээ гэрэл зургуудыг Instagram хуудастаа нийтэлсэн байна. Тэрээр зурагныхаа тайлбарт “Сахиусан тэнгэр өсөж байна” гэж тэмдэглэжээ.
Хар цагаан хосолсон зураг авалтыг Итали, Швейцарын гэрэл зурагчин Луижи болон Янго нар хийжээ. Харин зураг авалтын стилистээр Garage сэтгүүлийн загвар хариуцсан захирал Габриэла Карефа-Жонсон ажилласан бол нүүр будалтыг мейк-ап артист Эрин Парсонс хийсэн байна.
Нэмж хэлэхэд 25 настай Жижи Хадид болон 27 настай Зейн Малик нар есдүгээр сард анхны хүүхдээ өлгийдөн авах юм.
