Цагдаагийн Ерөнхий газрын Хар тамхитай тэмцэх газраас нэгдүгээр сарын 12-ны өдөр Хан-Уул дүүргийн нутаг дэвсгэр “Viva city” хороолол орчимд байрлах нэр бүхий зочид буудалд гүйцэтгэх ажил явууулжээ. Гүйцэтгэх ажлын үеэр хар тамхи хэрэглэсэн 2-3 этгээдийг дайчлан баривчилсан бөгөөд хэргийн газраас метамфетамин буюу “мөс” болон бусад эд мөрийн баримтыг хураан авсан байна. Улмаар дээрх этгээдүүдээс биологийн шинжилгээ авахад мансуурсан болох нь тогтоогджээ.
Хэргийн газраас баригдсан этгээдүүдийн дотор Эрүүл мэндийн дэд сайдаар ажиллан байсан. Т.Болдбаатарын охин Б байсан бөгөөд тэрбээр өмнө нь хар тамхи, сэтгэц нөлөөт бодис хэрэглэсэн ггэх үэдэслэлээр цагдаагийн байгууллагад шалгагдаж байсан юм.
Эрүүл мэндийн сайдын охин Б-гийн хувьд өмнө нь хар тамхи, сэтгэцэд нөлөөт эм бэлдмэл хэрэглэсэн, хадгалсан нэх хэргээр шалгагдаж байсан. Тодруулбал, 2015 оны аравдугаар сарын 9-нөөс 10-нд шилжих шөнө Хар тамхитай тэмцэх хэлтсийнхэн Монгол улсад хар тамхи, мансууруулах, сэтгэцэд нөлөөт бодис бүлэглэн зохион байгуулалттайгаар худалдан борлуулдаг Г, М, Н, Б, А, С, М, Б, Т гэсэн нэр бүхий есөн хүнийг Сүхбаатар, Чингэлтэй, Баянгол зэрэг нутаг дэвсгэрээс баривчилсан. Тэдэнд Эрүүгийн хуулийн тусгай ангийн 192,2 192,3,4 192,3,5-д заасан зүйл ангиар эрүүгийн хэрэг үүсгэн шалгаж эхэлсэн юм.
Баривчлагдсан хүмүүсийн дунд 20-22 насны дөрвөн эмэгтэй байсан бөгөөд тэд бүгдээрээ сэтгэцэд нөлөөт мөс, гашиш төрлийн бодис хэрэглэсэн нь тестээр тогтоогдсон юм. Тэдний зарим нь 2-3 төрлийн бодис хэрэглэсэн нь тогтоогдсон бөгөөд тэдний өмнө нь долоон удаа хулгайн хэргээр ял шийтгэгдэж байсан этгээд болон цагдаагийн байгууллагад шалгагдаж байсан этгээд болон цагдаагийн байгууллагад шалгагдаж байхдаа дахин хэрэг үйлдэж баригдсан нэг хүн байсан аж.
Мөрдөн байцаалтын явцад уг бүлэглэлийн толгойлогч Г гэгч нь олон жил хар тамхи, сэтгэцэд нөлөөлөх бодисыг хууль бусаар худалдан борлуулж, оруулж ирдэг байсан нь тогтоогдсон байна. Улмаар түүний зохион байгуулалт дор Г, М, С, А, Н нарын таван хүн хууль бусаар хар тамхи худалдан борлуулж байсан аж.
Тэдний дунд Эрүүл мэнд, спортын дэд сайд асаны охины охин Б нь байсан юм.Тэрбээр өдгөө 25 настай, хар тамхины төрлийн бодисыг байнга хэрэглэдэг гэх мэдээлэл бий.
Эрүүл мэнд, спортын дэд сайд Т.Болдбаатарын хувьд өмнө нь Авто тээврийн үндэсний төвийн захирлаар ажиллаж бйасан, 2012 онд Сонгинохайрхан дүүргээс нийслэлийн ИТХ-д нэр дэвшин сонгогдсон НИТХ-ын Тэргүүлэгчээр ажиллаж байсан. 1990-д оноос “Хунчир” ХЭАА, “Торгон Туул” ХХК-ийг байгуулан захирлаар нь ажиллаж байжээ.
“Торгон Туул” ХХК нь эм борлуулдаг, ер нь түүний алба эрүүл мэндийн чиглэлийн үйл ажиллагаа явуулдаг юм байна
Г.Маргад
Сэтгэгдэл бичих