Олон улсын олимпын хороо/ОУОХ/-ноос Оросын олимпын хороонд 2023 оны аравдугаар сарын 12-ны өдрөөс хойш тавьсан хоригоо түр хугацаанд цуцалжээ. Энэ талаар ОУОХ өнөөдөр/2026.07.08/ мэдэгдэж, олон улсын спорт холбоодыг Оросын баг, тамирчдад тавьсан хоригоо цуцлахыг уриалжээ. Шалтгаан нь тэднийг Украины нутаг дэвсгэрт үйл ажиллагаа явуулаагүй, тэдний гишүүн байгууллагуудыг өөртөө элсүүлээгүй, хамтран ажлаагүй гэж дүгнэсэн аж.
Ийнхүү Оросын баг, тамирчид 2028 оны Лос Анжелесын олимпын эрх олгох тэмцээн тэргүүтэй олон улсын уралдаануудад оролцох боломж нь нээгдэв. Гэхдээ Оросын нутаг дэвсгэрт ОУОХ-ны арга хэмжээ, тэмцээнийг зохион байгуулахгүй мөн Оросын эрх бүхий албан тушаалтнуудыг ямар ч арга хэмжээндээ урихгүй гэжээ.
Удахгүй Оросын баг, тамирчдыг өөрсдийн төрийн туг, далбаа, дууллаа ашиглаж болох эсэхийг шийдэх гэнэ. Мэдээж Оросын тамирчид одоо допингийн эсрэг хяналтад орж, шударга өрсөлдөнө гэдгээ харуулах учиртай.
Сэтгэгдэл бичих