Монгол Улсын Их Хурлын 2026 оны хаврын ээлжит чуулганы хаалтын нэгдсэн хуралдаан өнөөдөр /2026.07.03/ болж, энэ оны хаврын чуулган албан ёсоор өндөрлөнө. Хэрэв ээлжит бус чуулган зарлахгүй бол Улсын Их Хурал ирэх намрын ээлжит чуулган хүртэл завсарлах юм.
Энэ удаагийн хаврын чуулганы хугацаанд Улсын Их Хурал эдийн засаг, төсөв, татвар, уул уурхай, нийгмийн даатгалын багц хууль болон бусад нийгэм, эдийн засгийн ач холбогдол бүхий олон асуудлыг хэлэлцэн шийдвэрлэлээ. Мөн Засгийн газраас өргөн мэдүүлсэн хэд хэдэн хуулийн төсөл, олон улсын гэрээ, хэлэлцээр, хөгжлийн бодлогын баримт бичгүүдийг хэлэлцэж, холбогдох тогтоол, шийдвэрүүдийг баталсан байна.
Хаврын чуулганы төгсгөлд улс төрийн хүрээнд хамгийн их анхаарал татсан асуудлын нэг нь Монгол Улсын Засгийн газар болон “Оюу толгой” төслийн хөрөнгө оруулагч талын хэлэлцээ байв. Энэхүү асуудал нь Үндэсний аюулгүй байдлын зөвлөлийн түвшинд хүртэл хэлэлцэгдэж, улс төр, эдийн засгийн хүрээнд өргөн хэлэлцүүлэг өрнүүлсэн нь чуулганы төгсгөлийн онцлох үйл явдлын нэг болсон юм.
Өнөөдрийн хаалтын нэгдсэн хуралдаанаар Улсын Их Хурлын дарга хаврын чуулганы хугацаанд хийж хэрэгжүүлсэн хууль тогтоох болон бодлогын үйл ажиллагааг нэгтгэн дүгнэж, цаашид анхаарах тэргүүлэх чиглэл, хэрэгжүүлэх бодлого, зорилтын талаар үг хэлэхээр төлөвлөжээ.
Ийнхүү 2026 оны хаврын ээлжит чуулган өндөрлөснөөр парламентын үйл ажиллагаа түр завсарлаж, Улсын Их Хурал Үндсэн хуульд заасан хугацааны дагуу ирэх намрын ээлжит чуулганаар дахин хуралдах юм.
Сэтгэгдэл бичих