Big Bang хамтлаг дебют хийсний 20 жилийн ойгоо тэмдэглэхээр энэ жил дэлхийн аялан тоглолт хийх болсон тухай “YG Entertainment” Лхагва гаригт (2026.03.04) мэдэгдлээ. Энэхүү аялан тоглолтод G-Dragon, Тэян, Дэсун нар оролцох бөгөөд “YG Entertainment”-ийн үүсгэн байгуулагч Ян Хён Сук хэд хэдэн тоглолт хийхээр тохиролцсон гэж хэлжээ. Тэрбээр олон нийт Big Bang-ийг санаж, тэдний тоглолтыг хүлээдэг шалтгаан нь хамтлагийн олон жилийн турш дуулсан алдарт дуунуудыг дахин тайзан дээр амьдаар нь сонсохыг хүсдэгтэй холбоотой гэж хэлсэн. Мөн “YG Entertainment”-ийн бүх ажилтнууд фенүүдэд зориулан гайхалтай тоглолт бэлтгэхийн төлөө хичээн ажиллана гэж нэмж дурдсан байна.
Big Bang хамтлаг 2006 онд дебют хийсэн бөгөөд 2010-аад оны K-pop хөгжмийн хамгийн нөлөө бүхий хамтлагуудын нэг гэж тооцогддог. Тэд “Lies,” “Last Farewell,” “Haru Haru,” “Fantastic Baby,” болон “Bang Bang Bang” зэрэг олон хит дуу гаргасан. Анх таван гишүүнтэй байсан ч одоо тус хамтлаг гурван гишүүнтэй болсон юм. Сынри 2019 онд “YG Entertainment”-тэй байгуулсан гэрээгээ цуцалсан бол T.O.P 2023 онд хамтлагаас гарсан. T.O.P энэ жил соло уран бүтээл гаргахаар бэлтгэж байгаа гэж мэдээлжээ.
Мөн Big Bang АНУ-ын Калифорни мужид болдог “Coachella Valley Music and Arts Festival” наадамд дөрөвдүгээр сарын 12 болон 19-нд тоглохоор төлөвлөсөн байна. Энэ тоглолт нь тэдний 20 жилийн ойн арга хэмжээнүүдийн эхлэл байх төлөвтэй байна.
Сэтгэгдэл бичих