“Hurun Report” судалгааны байгууллагаас гаргасан “Hurun Global Rich List” жагсаалтад Хятад улс дахин тэргүүлжээ. “Hurun Group”-ын жил бүр гаргадаг тайланд дурдсанаар дэлхий даяар нийт 4020 тэрбумтан байна. Үүнээс 1110 нь Хятадын бизнес эрхлэгчид бөгөөд энэ тоо нэг жилийн дотор 287-оор нэмэгдсэн. Ингэснээр Хятад улс 1000 тэрбумтантай АНУ болон 308 тэрбумтантай Энэтхэгийг ардаа орхижээ.
Хятадад тэрбумтнуудын тоо өссөн гол шалтгаан нь технологи болон хиймэл оюуны салбарын хөгжил юм. Шинээр тэрбумтан болсон хүмүүсийн дунд “MiniMax” компанийг үүсгэн байгуулагч Ян Жүнже болон “Knowledge Atlas Technology” компанийн захирал Лиү Депинг нар багтжээ. Дэлхий даяар хиймэл оюунтай холбоотой компаниудад ажилладаг 114 тэрбумтан байдаг бөгөөд тэдний 46 нь энэ жил анх удаа жагсаалтад орсон байна.
Жагсаалтын эхний гурван байрт Элон Маск, Жефф Безос, Ларри Пэйж нар оржээ. Элон Маскийн хөрөнгө 792 тэрбум ам.долларт хүрсэн бөгөөд тэрбээр 700 тэрбум ам.доллароос давсан хөрөнгөтэй болсон анхны хүн болсон байна. Хотуудаас Нью Йорк хот 146 тэрбумтантайгаар дэлхийд тэргүүлж байна. Үүний дараа Шэньжэнь, Шанхай, Бээжин, Лондон бичигджээ.
Сэтгэгдэл бичих