УИХ-ын гишүүн Х.Баасанжаргал цагаан сарын үеэр “гэрт нь хүн багтахгүй” гэх шалтгаанаар Булган аймгийн Сэлэнгэ сумын ЕБС-ийн сурагчдын хоолны газрыг хувийн өмч мэт ашиглаж, хамаатан садантайгаа нийлж архидан согтуурсан гэх мэдээлэл олон нийтийн дургүйцлийг төрүүлж байна. Хамгийн ноцтой нь, уг байрыг ашигласныхаа төлөө нэг ч төгрөг төлөөгүй гэх асуудал яригдаж байгаа юм.
Төрийн албан тушаалтан гэдэг нэрийн дор түмний татварын мөнгөөр баригдсан, хүүхдүүдийн сурах, аюулгүй орчны нэг хэсэг болсон сургуулийн байрыг дур мэдэн ашиглах нь ёс зүй, хариуцлагын ямар хэмжүүртэй нийцэх вэ.
Энэ бол нэг хүний ёс зүйн алдаа биш, харин төрийн эрх барьж буй хүмүүсийн хандлага, тэдэнд тавих хяналт, хариуцлагын тогтолцоо хэр сул байгааг харуулж буй асуудал юм. Хүүхдүүдийн эрх, сургуулийн орчны халдашгүй байдлыг ийнхүү үл тоомсорлож буй үйлдлийг энгийн нэг “маргаантай явдал” гэж өнгөрөөж болохгүй.
Төрийн нэр барьсан ийм хандлагыг олон нийт шүүмжилж, хариуцлага нэхэх ёстой. Хамгийн гол нь, хүүхдүүдийн эрхийг үл ойшоодог, төрийн өмчийг хувийн мэт ашигладаг хүмүүсийг дахин сонгох эсэх тухай асуудал иргэдийн өмнө тодорхой тавигдаж байна.
| УИХ-ын гишүүн Х.Баасанжаргал “Гэрт хүн багтахгүй” хэмээн сургуулийн байранд шинэлжээ |
Сэтгэгдэл бичих