XVII жарны “Сүрээр дарагч” хэмээх гал морин жилийн сар шинийн баярт зориулсан Монгол Улсын Дархан аварга А.Сүхбат, Дархан аварга Н.Батсуурь, аварга П.Бүрэнтөгс, О.Хангай, Монгол Улсын арслан Ц.Содномдорж, Р.Пүрэвдагва, Б.Орхонбаяр, Ц.Бямба-Отгон, Э.Батмагнай тэргүүтэй улс, аймаг, цэрэг, сумын цолтой хүчит 256 бөхийн барилдаан өчигдөр /2026.02.16/ 13.00 цагт Монгол бөхийн өргөөнд эхэлсэн. Нэгийн даваанд Монгол Улсын Дархан аварга А.Сүхбат, аварга П.Бүрэнтөгс, улсын арслан Ц.Содномдорж, Б.Орхонбаяр, улсын гарди Ө.Бат-Орших, улсын заан Б.Бат-Өлзий нар өвдөг шороодоод буй. Тодруулбал, Дархан аварга А.Сүхбат Архангай аймгийн харьяат залуу бөх А.Энхбаярт, улсын гарди Ө.Бат-Орших Төв аймгийн харьяат сумын заан М.Өсөхбаярт, улсын заан Б.Бат-Өлзий Завхан аймгийн харьяат сумын заан Д.Мөнхтулгад өвдөг шороодоод буй. Харин Хоёрын даваанд Улсын арслан Б.Орхонбаяр нэгийн даваанд Б.Бат-Өлзийг давсан сумын заан Д.Мөнхтулгад өвдөг шороодсон бол Улсын арслан Ц.Содномдорж сумын заан М.Өсөхбаярт өвдөг шороосон билээ.
Сар шинийн барилдаан өнөөдөр /2026.02.17/ 15:00 цагаас гурвын даваагаар үргэлжилнэ.
Сэтгэгдэл бичих