Дээд боловсролын байгууллагын чадавх бэхжүүлэх Европын холбооны Erasmus+ RETEACH буюу “Монгол Улсын багш бэлтгэх боловсролын хөтөлбөрийг ногоон болон дижитал шилжилт рүү шинэчлэх”

Сургалтад Монголын талаас Боловсролын яам, Боловсролын ерөнхий газар, Боловсролын үндэсний судалгааны хүрээлэн, “Отгонтэнгэр” их сургууль, Монгол Улсын Боловсролын Их Сургууль, Монгол Улсын Их Сургууль-ийн Зүүн бүсийн сургууль, “Дархан” болон “Хангай” коллежийн төлөөлөл болон Итали, Румын улсын төслийн багууд оролцов.

Палермогийн Их Сургууль (UNIPA) тус сургалтыг зохион байгуулж, Трансильванийн Брашовын Их Сургууль (UNITBV), CESIE ETS байгууллагууд түншээр оролцон, багш бэлтгэх хөтөлбөрийн сайн туршлага, хэрэгжүүлэх арга зам, бодлогын чиглэл, хэтийн төлөвийн талаар мэдээлэл солилцож, багшийн мэргэжлийн ур чадварыг хөгжүүлэх, дижитал болон ногоон боловсролын чиг хандлагын талаар хэлэлцүүлэг өрнүүлэв. Мөн их сургууль, аж ахуйн нэгжийн хамтын ажиллагааг сайжруулах асуудлыг хөндсөн байна.