2026 оны 02 дугаар сарын 10-13-ны өдөр төрийн өмчийн ерөнхий боловсролын сургуульд “Pearson” англи хэлний цогц хөтөлбөрийн хэрэгжилтэд дэмжлэг үзүүлэх, зөвлөн туслах ажлыг Өвөрхангай аймагт зохион байгууллаа.
Энэ хүрээнд Арвайхээр сумын Тэмүүлэл эрдэм, 4 дүгээр сургууль, Уянга сумын Жаргалант баг, Бат-Өлзий сумын ерөнхий боловсролын сургууль дээр ажиллаж, 13 багшийн хичээлд сууж, багш бүрд зөвлөгөө өгөв. Мөн зорилтот 4 сургуулийн 11 удирдлага болон нийт 16 сургуулийн англи хэлний 51 багшид хөтөлбөрийн хэрэгжилт, платформын ашиглалттай холбоотой мэдээлэл өгч, зөвлөн тусалж ажиллалаа.
Зөвлөн туслах ажлын хүрээнд:
Хичээл, сургалтын үйл ажиллагаа, үнэлгээний зохион байгуулалттай танилцах,
Ерөнхий боловсролын сургуулийн удирдлага, англи хэлний багш нарт арга зүйн зөвлөгөө өгөх,
Цахим сургалтын орчны бүрдүүлсэн байдалтай танилцах,
Сургалтын хэрэглэгдэхүүний ашиглалт, суралцагчийн үнэлгээг төлөвлөсөн хугацаанд зохион байгуулах чиглэлээр зөвлөгөө, мэдээлэл өгөв.
Өвөрхангай аймгийн ерөнхий боловсролын сургуулийн тухайд:
Багш нар ээлжит хичээлээ цахим суурьтай зохион байгуулж хэвшсэн.
Суралцагчдын оролцоог дэмжсэн сургалтын аргыг хэрэгжүүлэхийг зорилго болгон байна.
Сургуулийн удирдлагын зүгээс сургалтын орчин бүрдүүлэхэд дэмжлэг үзүүлэн ажиллаж байна.
Англи хэлний хөтөлбөрийг төрийн өмчийн сургууль бүрд жигд, үр дүнтэй хэрэгжүүлэхэд чиглэсэн энэхүү үйл ажиллагаа нь бусад аймагт энэ хичээлийн жилийн туршид хэрэгжинэ.
Цаашид анхаарах асуудлууд:
– 3, 4 дүгээр ангид 14 хоногт 1-2, 5-8 дугаар ангид 7 хоногт 1 цагийг цахим суурьтайгаар хичээлээ төлөвлөж зохион байгуулах;
– Багш бүр нэгж, ээлжит хичээлийн төлөвлөлтийг зорилготойгоо уялдуулан төлөвлөж, хэрэгжүүлэх;
– Оношлох, явцын болон үр дүнгийн үнэлгээг төлөвлөсөн хугацаандаа зохион байгуулж хэвших;
Сэтгэгдэл бичих