Агаарын бохирдлыг бууруулах чиглэлээр энэ жил Зурагт, Гандан, Баянхошууны 5000 айлыг хийн түлшинд шилжүүлж, хий цэнэглэх 33 цэгийг байгуулна. Өнөөдрийн байдлаар 11 цэг ашиглалтад орсон бөгөөд үлдсэн цэгүүдийн барилга угсралтын ажил үргэлжилж байна.
Өдгөө нийслэлд 172 600 айл өрх шахмал түлш түлж байна. Энэ өрхүүдийг угаар мэдрэгч төхөөрөмжид холбож дуусжээ. Ингэснээр нийслэлийн түлш хэрэглэгчдэд үйлчлэх төвд гал түлж байгаа айлуудын угаарын хийн мэдээллийг бүрэн хянаж буй юм.
Харин 100 орчим айлд сүлжээний асуудал үүссэн, засвар үйлчилгээ хийгдэж байгаа аж. Түлшийг дамлаж зарах тохиолдол гардаг байсан бол Хотула системд холбосноор энэ асуудал цэгцэрсэн гэдгийг албаныхан онцлов.
Сэтгэгдэл бичих