Орос улс өмнөх жилүүдтэй харьцуулахад 2025 онд ажиллах хүчний дутагдлыг нөхөх зорилгоор гадаадын ажилчдад ажлын зөвшөөрөл хамгийн их олгожээ. Албан ёсны мэдээллээр, Орос улс Энэтхэг улсын иргэдэд 56,500 ажлын зөвшөөрөл олгосон. Энэ нь 2024 оны 36,200-аас их байна. Бангладешийн ажилчдад 2024 онд 2800 зөвшөөрөл олгосон байсан бол 2025 онд гурав дахин өсч 9,300 болсон. Энэ нь хамгийн өндөр үзүүлэлт бөгөөд дор хаяж 2017 оноос хойших хамгийн их гадаадын ажилтан татсан жил болж байна.
Мөн Туркменистанд: 25 мянган зөвшөөрөл олгосон байсан нь өмнөх үеэс 2.5 дахин их байна. Түүнчлэн:
- Узбекистанд: 2,300 зөвшөөрөл
- Тажикстанд: 263 зөвшөөрөл
- Хятад улс: 92 мянган зөвшөөрөл олгосон нь 2024 оныхоос 50 хувь орчим нэмэгдэж, гадаад ажиллах хүчний хамгийн том эх үүсвэр болж байна.
Нийтдээ Орос улс 2025 онд ойролцоогоор 240 мянган ажлын зөвшөөрөл олгожээ. Энэ нь өмнөх жилээс 42 хувь орчим их бөгөөд 2017 оноос хойших хамгийн өндөр үзүүлэлт юм. Оросын засгийн газар 2026 онд илүү олон гадаад ажилчдыг татахаар төлөвлөж байна. Голлон Энэтхэг, Хятад, Малайз, Бангладеш болон Африкийн улсуудаас ажилчдыг авах юм.
Тус улсын Хөдөлмөрийн яам 2026 онд 279 мянган гадаад ажилчин оруулахыг санал болгосон нь 2025 оныхоос 20 хувь орчим их байна. Ингэснээр, энэ онд үйлдвэр, томоохон дэд бүтцийн төслүүдэд ажиллах өндөр ур чадвартай ажилчдад гол төлөв зөвшөөрөл олгоно. Үлдсэн зөвшөөрлүүд нь туршлагагүй ажилчдад бөгөөд хүнд нөхцөлд ажилладаг ажилчид, мөн мал эмч, амьтны арчилгааны ажилтнууд руу чиглэгдэх аж. Орос улс ажиллах хүчний ноцтой дутагдалтай хэвээр байна. Албан ёсны мэдээллээр ажилгүйдлийн түвшин 2025 оны арваннэгдүгээр сард ердөө 2.1 хувь байсан. Гэсэн хэдий ч 2030 он гэхэд ажиллах хүчний дутагдал гурван сая давж магадгүй гэж үзэж байна.
Сэтгэгдэл бичих