2025 оны Физиологи эсвэл Анагаах ухааны Нобелийн шагнал нь АНУ болон Японы гурван эрдэмтэнд олгогдлоо.
Mary E. Brunkow, Fred Ramsdell, Shimon Sakaguchi нар хүний дархлааны тогтолцооны тэнцвэрийг хадгалах механизм, ялангуяа регулятор Т эсүүд (Tregs) болон FOXP3 генийн үүргийг нээсэн судалгаагаараа шалгарчээ. Тэдний нээлт нь дархлааны системийн “өөрийн эсүүд рүү дайрахгүй байх” хяналтын механизмыг илрүүлсэн бөгөөд энэ нь аутоиммун өвчин, хорт хавдар, эс шилжүүлэн суулгалт зэрэг олон өвчний эмчилгээний шинэ чиглэл нээж өгсөн байна.
“Эдгээр судалгааны үр дүн нь хүний биед дархлаа хэрхэн тэнцвэртэй ажилладгийг гүнзгий ойлгох боломжийг өгч, олон төрлийн өвчний эмчилгээний шинэ замыг нээж өгч байна” гэж Нобелийн хороо мэдэгджээ.
-
Mary E. Brunkow – АНУ-ын Сиэтл хотын Systems Biology хүрээлэнгийн судлаач
-
Fred Ramsdell – АНУ-ын Sonoma Biotherapeutics компанийн эрдэмтэн
-
Shimon Sakaguchi – Японы Осакагийн Их сургуулийн Дархлааны судалгааны төвийн профессор
Шагналтнууд: Victor Ambros болон Gary Ruvkun
Тэд microRNA буюу жижиг РНХ-ийн нээлтээрээ шагнал хүртсэн. Энэхүү судалгаа нь генийн илэрхийлэл, эсийн өсөлт, хөгжилд чухал үүрэгтэйг илрүүлсэн юм.Нобелийн шагнал нь дэлхий даяар шинжлэх ухаанд хувь нэмрээ оруулсан, хүн төрөлхтний эрүүл мэндийг хамгаалах чиглэлээр хийсэн хамгийн үнэ цэнтэй судалгааг жил бүр үнэлдэг уламжлалтай.
2025 оны судалгааны үр дүн нь дархлааны эмчилгээний ирээдүйг шинэ түвшинд гаргах томоохон алхам боллоо.
Эх сурвал: NobelPrize.org 2024 оны 10 дугаар сарын 7
Сэтгэгдэл бичих