Морины олимп хэмээн нэрлэгддэг “Их Хурд” уралдаан гурван жил тутам зохион байгуулагддаг бөгөөд энэ удаа ММСУХ-ны 30 жилийн ойтой давхцан
2025 оны 8-р сарын 8–10-ны өдрүүдэд Хүй долоон худагт 6 нас 3 ангиллаар хурдан морьдын уралдаан болох юм.
ММСУХ-ноос холбогдох хууль тогтоомжийг чанд мөрдөхөөс гадна уралдаанд оролцож буй хүүхэд нь наймаас дээш настай, даатгалд хамрагдсан, эрүүл мэндийн үзлэгийн бичиг баримттай, эцэг эхийн зөвшөөрлийн гэрээ болон стандартын шаардлага хангасан хувцастай оролцохыг уулзалтын үеэр хэлсэн байна. Тус холбооны зүгээс 2025 оныг “Уралдаанч хүүхдийн аюулгүй байдал, хөгжлийн жил” болгон зарласан. Энэ хүрээнд үндэсний их баяр наадмын өмнө Гэр бүл, хөдөлмөр, нийгмийн хамгааллын яамтай хамтын ажиллагааны санамж бичиг байгуулж байсан юм.
1998 оноос эхлэлтэй “Их хурд” уралдааны есөн насны ангилалд түрүүлсэн хурдан хүлгийн эзнийг “Тоёота Ланд Крузер-300” маркийн авто машинаар байлах аж.
Энэ жилийн түрүү морьдын бай шагнал болох авто машинуудыг дараах байгууллага, хувь хүмүүс ивээн тэтгэж байна:
1.Азарга нас: Дундговь аймгийн Өлзийт сумын уугуул, “Мон Уран” ХХК-ийн захирал Батсүхийн Наранхүү
2.Их нас: Шунхлай группийн ерөнхийлөгч Монгол Улсын Тод Манлай уяач Пүрэвийн Батсайхан
3.Соёолон нас: Өмнөговь аймгийн Цогтцэций сумын уугуул, Монгол Улсын Тод Манлай уяач Дашдэмбэрэлийн Бат-Эрдэнэ, “Капитрон Банк”
4.Хязаалан нас: “Хүй Мандал Гал”уяа.
5.Шүдлэн нас: Архангай аймгийн Хотонт сумын уугуул, Монгол Улсын Тод Манлай уяач Дуламсүрэнгийн Лхагвасүрэн
6.Даага нас: Өмнөговь аймгийн Даланзадгад сумын уугуул Эрдэнэбилэгийн Бат-Эрдэнэ, “Шүтээн Эрдэнэ” ХХК
7.Сонгомол дээд нас: Сэлэнгэ аймгийн Мандал сумын уугуул, Монгол Улсын Алдарт уяач Төмөрхүрээгийн Төрмөнх, “Platinum Land” ХХК
8.Сонгомол дунд нас: Говь-Алтай аймгийн Халиун сумын уугуул, Монгол Улсын Манлай Манлай уяач Гантөмөрийн Чинзориг
9.Сонгомол бага нас: Увс аймгийн Зүүнговь сумын уугуул, Монгол Улсын Хөдөлмөрийн баатар, Тод Манлай уяач Бичээрэйн Далай нар ивээн тэтгэж байна.
Сэтгэгдэл бичих