Ой хээрийн түймрийн хоёрыг цурманд оруулж, 6 түймрийг унтаарахаар ажиллаж байна. Тодруулбал:
Улсын хэмжээнд өнөөдөр 15:00 цагийн байдлаар 8 ой, хээрийн түймэртэй байгаагаас Баян-Өлгий аймгийн Цэнгэл, Булган аймгийн Хутаг-Өндөр суманд гарсан 2 түймрийг цурамд орууллаа.
Харин Сэлэнгэ аймгийн Хүдэр сумын “Шоргоолжны хүдэртийн хэц”, “Шоргоолжийн-Өндөр”, “Янгаахай”, Ерөө сумын “Агуйт”, Түшиг сумын “Хар горхи” гэдэг газарт гарсан 6 ойн гал түймрийг унтраахаар ажиллаж байна.
Түймрийн голомтод Онцгой байдлын байгууллага, орон нутгийн мэргэжлийн ангийн нийт 138 хүн, 12 автомашин, 1 нисдэг тэрэгтэйгээр үүрэг гүйцэтгэж байгаа юм.
Дээрх түймрүүдийн 4 нь өнөөдөр бүртгэгдсэн бөгөөд аялагч, амрагч та бүхнийг ой, хээрт явахдаа ил задгай гал түлэхгүй байж, сонор сэрэмжтэй байхыг зөвлөж байна.
Сэтгэгдэл бичих