ЗГХЭГ-ын Тэргүүн дэд дарга Д.Мөнх-Эрдэнэ Засгийн газрын хуралдааны шийдвэрийг танилцууллаа. Өнөөдрийн хурлаар 20 гаруй асуудлыг хэлэлцсэн бөгөөд тэдгээрээс тодруулбал
Төрийн аудитын байгууллагаас санхүүгийн зөрчилтэйг нь тогтоосон төрийн байгууллагуудад хяналт шалгалт хийхээр болжээ.
Мөн төрийн 29 байгууллага, агентлагийг татан буулган тогтоол өнөөдрөөс албажиж байна. Ингэснээр 1,6 тэрбум төгрөг хэмнэж, салбарын яамдад чиг үүргийг шилжүүлсэн.
Хувийн хэвшил, бизнест ээлтэй, ард иргэдэд үйлчилдэг, авлига хүнд суртлаас ангид, татварын таатай орчинтой, чадварлаг төрийн албыг бэхжүүлэх зорилгоор албан тушаалтнуудад хугацаатай үүрэг даалгавар өгчээ.
ЗГХЭГ-ын Тэргүүн дэд дарга Д.Мөнх-Эрдэнэ “Ерөнхий сайд өнөөдрийн хурлаар Засгийн газраас нэн түрүүнд шийдвэрлэх шаардлагатай асуудлуудыг ЗГ-ын гишүүд, Нийслэлийн засаг даргад хугацаатай албан даалгавар өглөө. Энэ нь нийт 164 асуудлыг хамарч байгаа ба нэн шаардлагатай боловсруулж намрын чуулганаар өргөн мэдүүлэх 31 хуулийн төслийг холбогдох сайд нарт үүрэг болголоо. Албан даалгавар нь бизнест ээлтэй, татварын таатай орчныг бүрдүүлж, тэр дундаа ЖДҮ эрхэлж байгаа иргэдийн ачааг хөнгөвчлөх, аудитын хорооноос зөрчилтэй нь тогтоогдсон байгууллагуудад хариуцлага тооцох , мөн 11 11 дугаараар иргэдийн гомдлыг авч шуурхай шийдвэрлэнэ хэмээн мэдэгдлээ,
Сэтгэгдэл бичих