Монголын арьс ширний үйлдвэрлэлийн холбооны Бодлогын зөвлөлийн“Анхдугаар хурал” зохион байгуулагдлаа

   Төрийн ордны Их засаг танхимд Монголын арьс ширний үйлдвэрлэлийн холбооны Бодлогын зөвлөлийн ‘Анхдугаар хурал’ зохион байгуулагдлаа.
Тус хурлыг МУИХ-ын Тамгын газрын дэд дарга Ү.Амарбат нээж үг хэлсэн бөгөөд тус хурлаар Арьс ширний салбарт үйл ажиллагаа явуулж байгаа оролцогч талуудын бодлогыг нэгтгэж, хэрэгжүүлж буй үйл ажиллагаа болон хэрэгжиж буй төсөл хөтөлбөрүүдтэй харилцан уялдаа холбоотой ажиллах, тулгамдаад байгаа асуудлуудыг бодлогын түвшинд цогц байдлаар шийдвэрлэх нь чухал болохыг онцоллоо.
Хуралд: МУИХ-ын Тамгын газрын албан хаагчид, ХХААХҮЯ-ны Хөнгөн үйлдвэрийн бодлогын хэрэгжилтийг зохицуулах бодлогын дарга, Монголын арьс ширний үйлдвэрлэлийн холбооны Бодлогын зөвлөлийн гишүүд, Эмээлт эко аж үйлдвэрийн паркийн төлөөллүүд оролцлоо.
Хэрэгжиж байгаа ‘Эмээлт эко аж үйлдвэрийн парк’-ийн төсөл,’Цагаан Алт’, ‘Шинэ Хоршоо хөдөлгөөн’, ‘Аймаг, сумын бүсчилсэн ногоон хөгжлийн хөрөнгө оруулалтын хөтөлбөр’-үүдтэй танилцан, санал дүгнэлтээ нэгтгэлээ.

Төлөвлөлт, хөгжүүлэлтийн газар