МАН-ын Удирдах зөвлөл өнөөдөр хуралдаж, Засгийн газрын бүтэц, бүрэлдэхүүний асуудлыг хэлэлцэн шийдвэрлэлээ. Хурлаас гарсан шийдвэрийн талаар МАН-ын Ерөнхий нарийн бичгийн дарга Я.Содбаатар мэдээлэл өглөө.
Тэрээр хэлэхдээ: Үндсэн хуульд зааснаар Ерөнхий сайд өөрөө танхимаа бүрдүүлэх эрхтэй. Засгийн газрын өнөөгийн бүтэц, бүрэлдэхүүний тухай хуульд өөрчлөлт оруулахгүй байх Ерөнхий сайдын саналыг Удирдах зөвлөл дэмжсэн.
Үндэсний хороог толгойлж байсан сайд нарын орон тоог цомхтгосон. Асуудлаа мэдэх зарим сайдыг танхимд үлдээхийг МАН-ын Удирдах зөвлөл дэмжлээ. Хуучин сайд нараас 50 хувийг нь шинэчилнэ.
Засгийн газрын 2024-2028 оны үйл ажиллагааны хөтөлбөрт өөрчлөлт оруулахгүй, үргэлжлүүлэн хэрэгжүүлнэ гэв.
Сэтгэгдэл бичих