П.Батчулуун эмчийн хэргийг анхан болон давж заалдах шатны шүүх шийдвэрлэсэн. Хэдий эргэлзэж болох ч шүүхэд итгэх хэрэгтэй. Учир нь бид хуулийн доор амьдардаг.
Тус эмчид холбогдох хэрэгт донор болсон талийгаач А-гийн ээж н.Алтантуяа хэлэхдээ “П.Батчулуун эмч “Охиныхоо элэг, хоёр бөөрийг өгөөч ээ” гэхэд өдөржин эргэлзэж эргэлзэж гарын үсэг зурсан. Гэтэл хөл, гарын яс, шөрмөс гээд бүгдийг нь авчхаад хоосон хальсан дотор нь цутгамал цутгаад, төмөр утсаар оёод хүлээлгэж өгсөн. Одоо яагаад охиныг минь элдвээр хэлж ард үлдсэн гэр бүлийнхнийг нь зовоогоод байгаа юм бэ! гэж хэвлэлийн хурал хийлээ.
Мэдээж хохирогчийн гэр бүлийн буруу биш. Иргэд бидний нийгмийн сүлжээнд шүүлтүүргүй ханддаг, мэдээллийг нягталдаггүй дээрх явдал бэлхнээ харуулж байна.
Мөн бид цаашдаа эмч нарын нэр хүндийг гутаан доромжлох, эрүүл мэндийн салбарын эмзэг асуудлыг олон нийтийн сүлжээнд мэдээлэх нь туйлын их хор уршиг дагуулдгийг ухамсарлах нь зүйтэй.
2022 онд хуульд нэмэлт өөрчлөлт оруулахдаа тархины үхэлтэй донорын ар гэрт оршуулгын 2 сая төгрөгийн зардал дээр нэмж, гурван сая төгрөг өгнө гэсэн заалт орсон гэдэг. Гэтэл тухайн донор болсон иргэн нийгмийн даатгал төлж байгаагүй учраас ар гэрт нь гурван сая төгрөгийн тэтгэмжийг олгох боломжгүй гэдгийг мэргэжилтэн нь хэлсэн гэдэг.
Анх ингэж л асуудал үүсэж, олон нийтийн сүлжээгээр П.Батчулуун эмч нүдүүлж эхэлсэн байдаг.
Эцэст хэлэхэд мэдээллийг тал талаас нягталж байж олон нийтийн сүлжээнд үзэл бодлоо илэрхийлэхийг иргэддээ уриалъя
Чанцалын Бэлгүүтээ
Сэтгэгдэл бичих