БНХАУ-ын Эрээн хотод Kopoнaвиpycийн xaлдвap тархаад байгаа билээ. Үүнтэй холбоотойгоор өнгөрөгч аравдугаар сарын 14-нөөс эхлээд хилээ тодорхойгүй хугацаагаар хаасан. Хил хаагдсанаар импортоор орж ирдэг нарийн ногоо болон бусад бараа бүтээгдэхүүн тасалдахад хүрч, үнэ тэнгэрт хадаад байгаа.
Нарийн ногоо хомсдож, үнэ нь тэнгэрт хадсан үеэр “Ub flowers” цэцэг хүргэлтийн үйлчилгээ цэцэгний оронд брокколины баглаа бүхий үйлчилгээ гаргаж эхэлжээ. Ийм үйлчилгээ байгаа тухай цахим хуудаснаа нийтэлсэн нь олон нийтийн анхаарлыг татаж, шүүмжлэл дагуулаад байгаа юм.
Энэ тухай бид тус байгууллагаас тодруулахад “Брокколины баглаа гаргасан нь үнэн. Офицерийн ордноос таван шар хүртэлх бүсэд хүргэлт үнэгүй. Брокклины оронд өөр нарийн ногоонуудаас сонгож баглуулж болно. Эсвэл брокколитой цуг чинжүү, өргөст хэмх зэргийг хольж хүргэлтээр авах боломжтой” хэмээсэн юм.
Сэтгэгдэл бичих